Home
બિઝનેસ
FDI In India : વિદેશી રોકાણ આકર્ષિત કરનારા રાજ્યોમાં મહારાષ્ટ્ર અવ્વલ, જાણો ગુજરાત કયાં સ્થાને ?

FDI In India : વિદેશી રોકાણ આકર્ષિત કરનારા રાજ્યોમાં મહારાષ્ટ્ર અવ્વલ, જાણો ગુજરાત કયાં સ્થાને ?

11:37 AM September 07, 2024 gujjunewschannel.in

FDI in India: વર્તમાન નાણાકીય વર્ષ 2024-2025 ના પ્રથમ ત્રિમાસિક ગાળા દરમિયાન સૌથી વધુ વિદેશી સીધા રોકાણ (FDI) આકર્ષવામાં મહારાષ્ટ્ર ટોચ પર છે. ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટરનલ ટ્રેડ (DPIIT) અનુસાર, મહારાષ્ટ્ર અન્ય રાજ્યોમાં પ્રથમ સ્થાને છે કારણ કે તેણે એપ્રિલથી જૂન 2024-25ના પ્રથમ ત્રિમાસિક ગાળામાં રુપિયા 70,795 કરોડનું FDI મેળવ્યું છે. પડોશી રાજ્ય કર્ણાટક રુપિયા 19,059 કરોડના રોકાણને આકર્ષીને બીજા ક્રમે રહ્યું હતું.

► વિદેશી રોકાણ મામલેે ગુજરાત કયાં નંબર પર છે?

આ ઉપરાંત દિલ્હી રૂપિયા 10,788 કરોડના FDI સાથે ત્રીજા સ્થાને છે, જ્યારે તેલંગાણા રૂપિયા 9,023 કરોડ સાથે ચોથા અને ગુજરાત રૂપિયા 8,508 કરોડ સાથે પાંચમા સ્થાને રહ્યું છે.તમિલનાડુ રૂપિયા 5,818 કરોડ રોકાણ સાથે છઠ્ઠા સ્થાને છે.

દેવેન્દ્ર ફડણવીસે આ અંગે માહિતી આપતા કહ્યું છે કે દેશમાં સમીક્ષા હેઠળની અવધિ દરમિયાન કુલ રૂપિયા 1,34,959 કરોડનું રોકાણ આવ્યું છે, જે પૈકી એકલા મહારાષ્ટ્રમાં રૂપિયા 70,795 કરોડ રોકાણ આવ્યું છે. આમ મહારાષ્ટ્રમાં કુલ રોકાણ પૈકી 52.46 ટકા રોકાણ આવ્યું

► 2014થી 2019 સુધી કેટલું રોકાણ

ફડણવીસે કહ્યું કે 2014 થી 2019 સુધીના મુખ્યમંત્રી તરીકેના તેમના કાર્યકાળ દરમિયાન, ભાજપની આગેવાની હેઠળની સરકાર દરમિયાન, મહારાષ્ટ્રમાં કુલ રુપિયા 3,62,161 કરોડનું વિદેશી રોકાણ આવ્યું હતું. DPIIT ડેટા મહાયુતિ સરકાર માટે એક મોટી રાહત તરીકે આવ્યો છે, ખાસ કરીને જ્યારે મહા વિકાસ અઘાડી તેના શાસન દરમિયાન ગુજરાત અને અન્ય રાજ્યોમાં મૂડી અને રોકાણના પલાયનને લઈને સરકાર પર તેના હુમલાઓને તીવ્ર બનાવી રહી છે. એમવીએની ટીકાનું કારણ રુપિયા 1.80 લાખ કરોડના વેદાંત-ફોક્સકોન પ્રોજેક્ટ, ટાટા એરબસ ઉત્પાદન પ્લાન્ટ, ગેઇલના રુપિયા 50,000 કરોડના મધ્યપ્રદેશના સિહોર ખાતેના ઇથેન ક્રેકીંગ યુનિટને 1.5 મિલિયન ટન પ્રતિ 1.5 મિલિયન ટનની ક્ષમતા સાથેનું અન્ય રાજ્યોને થતું નુકસાન છે.